DIARY(1to 7) : ১]সংকল্পঃ-চৈয়দ চ’গুড ইছলাম[

DIARY(1to 7) : ১]সংকল্পঃ-চৈয়দ চ’গুড ইছলাম[১৫/০৮/২০১৫]
+++++++++++++++++
মুক্তাবুল হুছেইন চাহাবৰ “জাগা মুমিন জাগা”ৰ লিখনিয়ে হাজাৰজনক জাগ্রত কৰি তুলিছে। এতিয়া আমাৰ জাগ্রত প্রহৰীৰ সংকল্প লোৱাৰ সময়।।।
---আমি আমন্ত্রিত হৈছিলোঁ TEWF দ্বাৰা আৰু উপস্থিত হৈছিলোঁ যোৱাকালি অর্থাৎ ১৪/০৮/২০১৫ তাৰিখে পুৱা প্রায় দহটা বজাত মংগলদৈৰ ওচৰৰ টাংনী চাৰি চ'কত। ইফালে সিফালে চকু ফুৰাওঁতেই এটা চালামৰ চিঞৰ শুনিলো “আচ্ছালামু আলাইকুম চ’গুড চাহেব” ময়ো প্রতি চালাম দিলোঁ। হয়তো মোৰ মাতটো ৰাষ্টাৰ সিটো মূৰত মোৰ বাবে অপেক্ষাৰত চেক্রেটেৰী মহিবুৰ চাহাবৰ ওচৰ নাপালেগৈ।
---ৰাষ্টটো পাৰহৈ গ’লো। ছহীহ তৰিকাৰে মোছাফাহ কৰিলোঁ। ছহীহ তৰিকাৰ ভাই সকলৰ এখন এখন হাতৰ চেপাতেই বহু কথা গম পোৱা যায়। এইয়া আমাৰ নিজস্ব অনুভৱ। এনে অনুভৱ আমাৰ বহুত হৈছে। মনত আছে জাদিদ হুছেইনৰ (Assamese Muslim fb ৰ দুজনৰ এজন এডমিন) লগত মোছাফাহ আৰু শেহতীয়াভাৱে হাফিজ ৰফিকুল ইছলাম মাদানিৰ লগত মোছাফাহ।
---এটা শব্দ আমাৰ মুখৰ পৰা ওলাই আহিল-“মহিবুৰ চাহাব এইবাৰো মই প্রথমেই পালোহি”।
---“মাফ কৰিব আপুনি দ্বিতীয়হে”। লগতে থকা লুটফুৰ চাহাবৰ লগত আমাক চিনাকী কৰাই দিলে মহিবুৰ চাহাবে। তেওঁৰ লগতো মোছাফাহ কৰিলোঁ। মোছাফাহত দৃঢ়তা নাপাই কৈয়েই পেলালোঁ।
---লুটফুৰ চাহাবৰ কথাত কিন্তু দৃঢ়তা অতি প্রকটময়। আমি আশা ৰাখিম তেখেতে দিয়া আৰু আলোচনা কৰা প্রতিশ্রুতিবোৰ যাতে বাস্তৱত ৰূপায়িত হয়।
আগলৈ-in sha Allah
+++++++++++++++++++++++++

[২]সংকল্পঃ-চৈয়দ চ’গুড ইছলাম
++++++++++++++++++++++
---আমি তিনিওজন মানে মই, মহিবুৰ আৰু লুটফুৰ, মহিবুৰ চাহাবৰ ঘৰলৈ আগবাঢ়িলোঁ। মহিবুৰ চাহাবৰ বাইকৰ পিছফালে মই। গাৱঁৰ অকোঁৱা-পকোঁৱা মস্ত মস্ত গাঁত থকা কেচাঁ আলিবাটেৰে আমি আগবাঢ়িলোঁ। শুনা যায় যে মহিবুৰ চাহাবৰ বাইকৰ স্পীড ৮০কিঃমিঃ/ঘন্টাত ফিক্স কৰা আছে। এই স্পীদ ৰাষ্টা বেয়া থকা অৱস্থাটো নকমে। যিয়েই নহওঁক আধা ঘণ্টাৰ ৰাষ্টাটোক মহিবুৰ চাহাবে পাঁচ মিনিটতে সমাধা কৰিলে। মুখ-হাত ধুই লুটফুৰ চাহাবৰ লগত ভালকৈ চা-চিনাকি হ'লো।
---অলপ পিছত নলবাৰীৰ পৰা অহা জুবেৰ ৰহমান আৰু জাহিৰ চাহাবকো মহিবুৰ চাহাবে তেখেতৰ ঘৰলৈ লৈ আহিল। বিভিন্ন ফল-মূল চাহ চৰবত আদিৰে টেবুল ভৰি গ’ল। উৎকত গৰমৰ দিনটোত ফেনৰ বতাহৰ তলত আমি হেঁপাহ পলুৱাই খালোঁ। আহামদুলিল্লাহ। লগে লগে TEWFৰো কিছু আলোচনা কৰিলোঁ যাতে জুম্মাৰ পিছত DTPৰ কামখিনি কৰিব পৰা যায়।
আগলৈ-in sha Allah
[11:06AM, 4/30/2016] Jurer Rahmam: [৩]সংকল্পঃ-চৈয়দ চ’গুড ইছলাম
+++++++++++++++++
---মহিবুৰ চাহাবে আমাক জনালে যে বন্দিয়া বড় মছজিদত আমি জুম্মাৰ চালাত পঢ়িম। গতিকে দৌৰা-দৌৰিকে জুম্মালৈ বুলি আমি পাঁচজনে দুখন বাইকত ওলাই গ’লো। হাতত সময় কম আছিল, ১২-১৫ ত খুতবা আৰম্ভ হ’ব। বন্দিয়া বড় মছজিদলৈ কমেও আঢ়ৈ কিঃ মিঃ দূৰ হব। হাইৱেৰ পৰা ভিতৰুৱা গাৱঁলীয়া ওখোৰা-মোখোৰা ৰাষ্টা। মহিবুৰ চাহাবৰ বাইকৰ স্পীড ৮০ কিঃমিঃ/ঘঃ। এই স্পীড নকমে। কমেওঁ পোন্ধৰ মিঃ আগতিয়াকৈ আমি মছজিদ পালোগৈ।
---উক্ত মছজিদত সেইদিনা জুম্মা পঢ়াৰ এটা বিশেষত্ব আছিল। সেইটো হ’ল- হাফিজ ৰফিকুল ইছলাম মাদানিৰ ইমামতি।
---এনেহেন লাগিল যেন জীৱনৰ প্রথম বাৰৰ বাবে বেহেস্তৰ কোনো মছজিদত খুৎবাৰ সৈতে দুই ৰাকাত নামাজ পঢ়িলোঁ। মই কথা বঢ়াই বা অতিৰঞ্জিত নকৰোঁ। মই স্পষ্টবাদী মানুহ। প্রত্যেক কাম আৰু কথাৰ সূক্ষ্ম পর্য্যৱেক্ষণ কৰোঁ।
---খুৎবা শুনাৰ বৈশিষ্ঠ হৈছে খুৎবা মনদি শুনাটো। যাক ৱাজিব বুলি কোৱা হয়। আনে কথা পাতিলেও তাক মনে মনে থাকক বুলি কোৱাত যি শব্দ বাহিৰ হয় তাকো নকৰিবলৈ কোৱা হয়। জুম্মাৰ এই দিনটোতহে সেই কথা স্ফটিকৰ দৰেই পৰিস্কাৰহৈ পৰিল।
আগলৈ-in sha Allah
[11:12AM, 4/30/2016] Jurer Rahmam: [৪]সংকল্পঃ-চৈয়দ চ’গুড ইছলাম
---"খুৎবা শুনাৰ বৈশিষ্ঠ হৈছে খুতবা মনদি শুনাটোত। যাক ৱাজিব বুলি কোৱা হয়। আনে কথা পাতিলেও তাক মনে মনে থাকক বুলি কোৱাত যি শব্দ বাহিৰ হয় তাকো নকৰিবলৈ কোৱা হয়"।
---উল্লেখিত কথাখিনৰ তাৎপর্য্য কোনো মুমিন ব্যক্তিয়ে জীৱনত পঢ়া জুম্মাৰ খুৎবাৰ ক্ষেত্রত ভাৱি চাইছেনে? অথবা অহা জুম্মাটোত ভাৱি চাবনে?
---বহুতৰ মনত ভাৱ হব যে চ’গুডে কি ভাৱিবলৈ কৈছে। "আমিটো চকু মুদি বা ইমামৰ মুখলৈ চাই তেওঁ পাঠ কৰা খুৎবা শুনি থাকোঁ আৰু ইমাম চাহাবেওঁ মুখখন সোঁ-ফালৰ পৰা বাওঁ-ফাললৈ ভাষণ দিয়াৰ ষ্টাইলত খুতবা শুনাই থাকে"।
---আপুনি থিকেই কৈছে। খুৎবা মানে ভাষণ। যাক মনদি শুনি বুজি জ্ঞান আহৰণ কৰি নিজকে জান্নাতৰ বাবে বাট মুকলি কৰিবলৈ কোৱা হৈছে।
---আৰবীত দিয়া খুৎবা তো আপুনি একো নুবুজিলে। এখন বাৰমহীয়া খুৎবা আৰবীত শুনাই মনদি শুনিবলৈকৈ আপোনাক বুর্বক বনালে। আপুনিওঁ আপোনাৰ মগজুটো নখটোৱাই বুর্বক হৈ থাকিল।
---কিয়ামত কেতিয়া হ'ব আল্লাহ তা'লাৰ বাহিৰে কোনেওঁ নেজানে। কিন্তু ব্যক্তিগত কিয়ামত কবৰত সোমোৱাৰ লগে লগেই আৰম্ভ হয়।
আগলৈ- in sha Allah
+++++++++++++++++++++++++++++
[৫]সংকল্পঃ-চৈয়দ চ’গুড ইছলাম
---হাফিজ ৰফিকুল ইছলাম মাদানিয়ে মুসল্লীসকলক চালামদি নিজ স্থানত(মিম্বৰ) আৰোহন কৰিলে। দৰজাৰ মুখত মুৱাজ্জিনে মধ্যস্বৰত আজান দিলে, লাখুটি হাততলৈ ইমাম চাহাবে খুতবা আৰম্ভ কৰিলে।
জুম্মাৰ খুতবাৰ দুটি অংশ। প্রথম অংশটি প্রথম খুতবা আৰু শেষ অংশটি দ্বিতীয় খুতবা নামে প্রসিদ্ধ। খুতবাহ্ মানে হল ভাষণ বা বক্তৃতা।
---ইমাম চাহাবে খুতবাৰ প্রথম অংশত আল্লাহৰ তাশাহহুদ, শাহাদত বা তাওহীদের ও ৰসূলেৰ(দঃ) ৰিসালাতৰ সাক্ষ্য সমূহ আৰবিত পাঠ কৰি নসীহত বা উপদেশ সমূহ স্থানীয় ভাষাত কমেওঁ আধা ঘণ্টাৰ ভাষণ প্রদান কৰিলে । আমি দেখিছিলো ইমামৰ কণ্ঠৰ বলীস্থতা।
---নসীহত বা উপদেশৰ অংশটোক ইমাম চাহাবে তিনিটা বিষয় বস্তুৰ ওপৰত গুৰুত্ব প্রদান কৰিছিল। সেইকেইটা হৈছেঃ- তাক্কৱা, উন্নত এবাদত [যিবোৰ ৰছুল কৰিমে(দঃ)কৰিছিল ] আৰু সময়ৰ মূল্যবোধ।
আগলৈ-in sha Alla
++++++++++++++++++++++++++
[৬]সংকল্পঃ-চৈয়দ চ’গুড ইছলাম(১৬/০৮/২০১৫)
+++++++++++++++++++++++++++++++++
---এই মুহূর্ত্তত (১৬/০৮/২০১৫-১১:০০am)হাফিজ ৰফিকুল ইছলাম মাদানি চাহাব গুৱাহাটিৰ LPGB air portৰ পৰা উৰাজাহাজেৰে দিল্লী অভিমুখে যাত্রা আৰম্ভ কৰিছে । তাৰ পৰা কাইলৈ মদিনালৈ যাব ইছলামিক উচ্ছ শিক্ষাৰ বাবে। আমাৰ আন্তৰিক দোৱা থাকিল যাতে মহান আল্লাহ তা’লাই তেখেতক তেখেতৰ লক্ষ্যত কৃতকার্য্য কৰাই আমাক শির্ক আৰু বে’দাত মুক্ত এখন ইছলামিক সমাজ গঢ়াত সহায় কৰিব ; য’ত নাথাকিব কবৰ পূজাৰী, পীৰ পূজাৰী, ফির্কা পূজাৰী, মজহবী-তকলীদ পূজাৰী আদি দোজখি সম্ভাৰ সমূহ।
---বেয়া লগিছে তেখেতক ব্যক্তিগত হিচাবে লগ নেপাম কাৰণে ; কিন্তু ভাল লাগি থাকিব তেখেতৰ বন্দিয়া মছজিদত ১৪/০৮/২০১৫তাৰিখে দিয়া জুম্মাহৰ খুতবা।
---আমি সেই খুতবাহৰ কথাই আগতে কৈ আহিছো। ৰফিকুল ইছলাম মাদানি চাহাবে স্থানিয় ভাষাৰ খুতবাহত তিনিটা বিষয়ৰ ওপৰত গুৰুত্ব দিছিল- তাক্কৱা, উন্নত এবাদত [যিবোৰ ৰছুল কৰিমে(দঃ)কৰিছিল ] আৰু সময়ৰ মূল্যবোধ।
---তাক্কৱা কি? ইয়াক খাই নে পিন্ধে নে আমল কৰে? আজিৰ আলট্রা চুপাৰ ইলেক্ট্রনিকৰ ব্যস্ত জীবনত কিতাপ পঢ়ি অথবা কিছু সময় খৰচ কৰি বহু মুছলমান ভাই-ভনীৰ সময় নাই তাক্কৱাৰ বিষয়ে জানিবলৈ। আচলতে তেওঁলোকে এই বিষয়ে নেজানেই। সচাঁ কথা ক’বলৈ গ’লে তেওঁলোকক জানিবলৈ দিয়া হোৱা নাই।
---ক্ষমা কৰিব পঢ়ুৱৈবৃন্দ। কেইজনমান উঃ, দঃ, পূঃ আৰু পঃৰ জামা মছজিদৰ ইমাম চাহাব কেইজনমানে কিবা এটাকৈ আছে। ---তেওঁলোকে কৈছেযে তেখেতসকলে যদিওঁ খুতবাক আৰবীত ভাষণ দিয়ে তথাপিওঁ কিন্তু ইছলামিক জ্ঞানৰ বাবে খুতবা আৰম্ভ হোৱাৰ আগতে স্থানিয় ভাষাত এটা ভাষণ দিয়ে। যিটো খুতবাৰ ভাঙনি অথবা আন ইছলামিক জ্ঞানৰ কথাও হ’ব পাৰে।
আগলৈ-in sha Allah(spelling check up.JR.)